تعالى اقف ..

بس واحده واحده من غير زحام

..هتاخد من اللى يطرقع واللى يفقرع كمان

..بيتصرف من القسم والمعتقل او باب اللومان

..بس اقف وحازى وخليك من الخرفان

..انت معاك كارنيه علشان تنقى من الإفيان

..فيه مقلم وفيه يعلم على قفاك يملاه

..وفيه يحمَر أو يزَرق قفاك وينقش اسم الشويش يامحلاه

..وفيه يخلى قفاك يدلدل على ضلوعك ما تنساه

..وعشان تطلع الكارنيه لازم تكون من الناس المتان

..اللى قفاهم يشيل من الإفيان اشكال والوان

..اللى ما بيتعبوش من الفقر والمر والحرمان

..واللى يحبوا يمشوا جوا الحيط ولا يكون ليهم سنان

..واللى يدوخوا على رغيف العيش والفول التمام

..واللى يحبوا عنتر وبوسى ولبلبه ونورهان

..واللى يشوفوا الغلط ويسكتوا من غير اسباب

..واللى يستعبدوا الحر علشان طلع ابن بواب

..واللى يسيبوا الظلم يفترى على العباد

..واللى يوظفوا ابن الزابط علشان يكون ليهم سنان

..هما دول اللى بينقوا الإفيان

..وكلنا بنحب ننقى على مزاجنا وفى اى وقت كمان

..كارنيه ضريبته الجبن والخوف والكتمان

..وغلافه الظلم والقهر وعساكر الامن الهمام

..يا ترى شعبنا بيحب نقاوة الإفيان

..وانته هتقطع الكارنيه ولا هتقف تاخد الإفيان ..
عمرو المتوكل